internet Technology

digilocker kya hai ? kaise hum apna digilocker create kare

Digilocker aajkal jo bhi government kaam hota hai usamen hamare document ka hona laazami hai. Agar hamare paas document nahi hai toh aap kisi bhi government authority se connect nahi ho sakte Kyonki koi bhi organization ya government nahi chahegi ki usase koi unauthorized persons connect ho

Jisme se agar hum baat karen toh aadhar card, voter ID card,pan card, driving licence aur kuchh document jo aapki identification batate hon ye sabhi document aapke bahut kaam aate hain.

Har jagah inaki aavshyakta hoti hai toh aise mein baat aati hai ki in document ko aap apane paas toh nahi rakh sakte. Aisi baat nahi hai rakh toh sakte ho but ye risky hai ki document kho na jaaye ya phir damage na ho jaaye aur insecure bhi rahta hai

Inn sabhi problem ka ek hi solution hai aur wo hai digilocker jise digital locker bhi bolte hain Jo digital india ka ek part hai Aajke article mein hum issi ke bare mein baat karne waale hain toh agar aap apane documents ki importance ko samajhate hain toh aaj ka article aapke liye helpful hoga

 

Cover Topic

 digilocker kya hai ?

Features off digilocker

 How it work

how to create your own digilocker

Benefit off digilocker

 

1. digilocker kya hai ?

Google drive , Dropbox ke bare mein toh aap ne suna hi hoga ye dono online clouds storage hain jo hame kuchh space provide karte hain. Jisme hum apane important files, document, music, video etc ko upload kar sakte hain aur jab chahe ise access kar sakte hain.

Digilocker bhi thik issy prakar ka online cloud storage hai jisame hum apna important document ko upload kar sakte hain. Digilocker mein aapko 1gb ka space milta hai toh iss prakar hum kah sakte hain ki digilocker digital india ka ek part hai jisame hamari government hamen free cloud space provide karti hai.

Jisme hum apane important document jaise aadhar card, voter ID card, pan card, driving license certificate ko scan karke hum upload kar sakte hain aur jab chahe tab issey access kar sakte hain.

 

2.Features of digilocker

Direct link government register organization or non register
Link aadhar card
1gb cloud storage
Secure
Easily access
Issuer & requester with easily sharing

 

Direct link government register organization or non register

Ye features aapko kewal digilocker me hi milega isaka ye matlab hua ki jitani bhi government organization ya phir non government organization hain Jaise koi university, college ya phir koi ek license, pan card, aadhar card banane wali organization ye sabhi digilocker se connected hain

Toh isaka sabse bada faayda ye hua ki ab aapko koi bhi government ya non government kaam ke liye jahan document ki aavshyakta hoti hai wahan aapko documents le jaane ki aavshyakta nahi padegi kyonki ye sabhi organization directly digilocker se connected hain.

Jo hamare documents ko directly hamare digilocker se access kar lengi bas hame usey share karna hai. Bas toh aise mein hame hamare documents ko haath mein nahi le jaana hoga jisase hum paperless toh banenge hi sath ke sath hamara document secure bhi rahega

Link aadhar card

digilocker aapko Aadhar card link karne ka Option bhi deta hai jisase hum hamara aadhar card link karke apani identification ko kisi ke samane bata sakte hain Digital locker keval aapke aadhar card aur aapke mobile number se banega waise mobile number se bhi ban sakta hai

Lekin agar aap Aadhar card ko link kar lete hain toh ye aapki profile Aadhar card mein se automatically detect kar lega jaise aapki photo, address, DOB etc jisase koi bhi organization aapko identify kar sake. Aadhar card link karne ke baad ye pahle se secure bhi ho jaayega.


1gb cloud storage

Google drive mein aapko 15gb storage milta hai kyonki isame aap sabhi prakar ke file ko upload kar sakte ho Jabki digilocker kuchh type ke format ko hi allow karta hai

Jisme se PDF, JPG,JPEG, PNG, BMP aur gif format ki files ye sabhi aap digilocker mein upload kar sakte ho. Lekin dhyan rahe 1mb se jyada ki file ko aap upload nahi kar sakte

Inn sab files ke liye jyada storage ki aavshyakta nahi hoti hai. Waise shuruat mein hame 10mb hi space milega jo aage chalkar 1gb badh jaayega aisa kaha jaa raha hai toh digilocker dwara diya gaya space hamare liye bahut hai kyonki jo bhi hamare important files hote hain wo ya toh gpeg,png,pgf me se hi ek hote hain

Secure

Bharat sarkar ke suchana evam IT bibhag dwara banaye gaye is locker ko SSL ke dwara HTTPS suraksha se secure kiya gaya hai. Abhi ki baat karen toh filhaal website suraksha ke liye ye sabase secure way hai

Agar hum digilocker ki official website par ek nazar daale toh isake url (https://digilocker.gov.in) mein https:// aur usake aage ek hara tala isaki suraksha ka mishal hai. Yahan s ka matlab english ka word secure hai jiska Hindi me arth surakshit hota hai

Toh aap digilocker ke sath bilkul secure hain. Hamare digital locker ka server india mein hi rahega toh isase isaki security aur bhi increase ho jaati hai. Agar aap https:// aur hara tala nahi dekh paa rahe hain toh isaka matlab aap kisi farji website par hain jo aapki janakariyan chura sakta hai.


Easily access any time any where

Digilocker ko hum kabhi bhi kahin bhi access kar sakte hain. Isamen aisi koi baat nahi hai ki agar aap dusare country mein chale gaye toh aap isey access nahi kar sakte! Bilkul kar sakte ho server isaka india mein hai. But aap isey kisi bhi country se access kar sakte hain

Issuer & requester

Digilocker ko samjhane ke liye 3 parameter mein divide kiya gaya hai. Issuer, requester aur aap is process ko samjhane ke liye hum is topic ko “how to work it” mein pura karenge

 

3. How it work ?

Government ne aapko ek server par cloud space provide kiya hai jise hum digilocker bol rahe hain. Is space mein aapke wo sare documents honge jo kisi n kisi government activity mein kaam aa sakte hain

Jaise passport, Aadhar card, Driving license certificate,pan card etc toh aapke man mein kai sawal uth rahe honge ki ye digilocker kaam kaise karega? Hum hamare documents ko kaise kisi government organization ko denge ? Chaliye hum ye samajhane ke liye ek image ki sahayata lete hain

digilocker kya hai

Jaise aap image mein dekh rahe hain ek issuer aur ek requester hai. Issuer mein pan card, Aadhar card, license, passport banane wali koi organization ho sakti hai aur requester mein aapki college ya koi institute ho sakti hai

Jahan aapko koi kaam karne ke liye kuchh government document dena padata hai. Jisase wo aapko identify kar sake. Jab digital locker nahi tha toh aap kya karte the ki aapko apane documents ko issuer ya requester ko direct dena padata tha

Jo kafi complicated (mushkil) tha. Chaliye hum ek example se samajhte hain maan lijiye aapko kisi college mein admission karwana hai toh pahle kya hota tha ki aapko sare documents individual le ke jaane padate the jo ki secure nahi tha

Lekin digital locker ke aane ke baad ab aapko kewal aapke digilocker ki link deni hogi aur college wale apane according jin jin documents ki aavshyakta hogi wo aapke locker se le lenge. Lekin wo college digilocker se juda hua hona chahiye

 

4.How to create your own digital locker

Step 1- sabse pehle aap digilocker ki official website digilocker.gov.in par jaaye
Step 2- sign up par click karen

digilocker kya hai

Step 3- yahan apna mobile number daale ab aapke mobile par ek otp aayega usey niche daale

digilocker kya hai

 

Step 4- ab aapko apna ek user name aur password set karna padega jiske baad aapka digilocker successfully ban jaayega

digilocker kya hai

Step 5- ab aapke saamne ek new window khulegi jisamen aapka aadhar number dalna hai. Agar aapke paas aadhar card nahi hai toh aap niche continue here par click kar den

digilocker kya hai

Step 6- aadhar card number daal kar submit karne ke baad aap apane digilocker mein aa jaaoge.

digilocker kya hai

 

5.Benefits of digital locker

Fayade ki baat karen toh main aapko isake bahut sare fayadon ko pahle hi bata chuka hun. Lekin isaki ek chij mujhe bahut achchhi lagi isase hamara environment kafi had tak better hoga

Kyon ki agar hamara sara kaam electronic way se hoga toh hum paperless ho jaayenge. Jisase lakhon tree katane se bach jaayenge toh isaka ye sabase bada advantage hai Main aap sabhi ko ye recommend karunga ki aap bhi isaka hissa bane aur aaj hi digital india ke digilocker se jud jaayen

Toh dosto aaj ke article mein aapne digilocker kya hai ke baare mein jana jo ki aapko janana bahut jaruri tha toh jaaiye dosto der mat kijiye aaj hi apna khud ka digital locker bana lijiye

Aise hi knowledge aur technology, make money online, social media, blogging etc se related article read karne ke liye aap hame follow bhi kar sakte hain. Jisase hum koi bhi article dalenge toh usaki notification sabse pahle aap tak pahunch jaayegi

Hamare facebook page ko like karen. Aur khush rahiye muskurate rahiye kyonki ye jindagi bahut chhoti hai kab pata ye hamara sath chhod de. Kal ho n ho So keep smiling Your Face Always

thank you

About the author

anupam Srivastava

I m anupam Srivastava the owner off Tech Me Ocean in this blog I m writes on various topics like blogging , Online Earning, free tips and tricks , wordpress etc

8 Comments

Leave a Comment