blogging

blogging kya hai ? Blog se judi saari information full guide

blogging kya hai

Dosto agar aap ke man me bhi ye sawal aa raha hoga Ki blogging kya hai ? Aur aap blogging field me apana career banana chahate hain toh aaj ka article aapke liye bahut faayademand hone wala hai Wo log Jo blogging Ki duniya me apana career banana chahate hain Lekin unhe abhi blogging ke bare me kuchh bhi nahi pata wo ye blogging word shayad pahali baar sun rahe honge unhe koi bhi idea nahi hai ki blogging kya hai ? Blog kaise banaye ? Earning kaha se hogi ?

Toh Jo log naye hain jinhe blogging ka koi idea nahi hai Aur wo es field me aana chahate hain toh aaj kaa article unake liye bahut hi helpful rahega. Aaj ke article me hum wo sare terms ko cover karenge jiske baare me ek beginner blogger ko pata hona bahut jaruri hai Aaj hum es article me blogging ki puri jaankari denge jise follow karake koi bhi person blogging ki duniya me apana kadam rakh sakata hai

Jo log es article ko padh rahe hain mujhe pata hai unake man me bahut sare sawal honge blogging word ko leke To aapko tension lene ki jarurat nahi hai mein aapko believe dilata hun ki aaj ka article padhane ke baad aapke man me Jo bhi sawal hai sab clear ho jaayenge Bas aapko pura article dhyan se padhna hai Mein aapko pahale hi bata du ki aaj ka article bahut bada ho sakta hai toh jo log blogging ko leke serious hai aur wo blogging ke liye passionate hai toh mein ye maan kar chalata hun ki wo log es article ko pura jarur padhenge

Lekin jo log blogging word pehli baar sun rahe hain toh unke liye ye article thoda boring ho sakta hai Lekin mein aapko ye bata du ki aap es article ko pura padhiye kya pata aapka career yahi ho aur aap kisi aur line me jaa rahe ho Jo bhi ho achcha hi feedback milega aur aapko kuchh naya sikhane ko milega to aadha adhura naa chhode pura padhe aur uske baad dekhana aapko blogging ki kitani knowledge ho jaayegi

 

1. Blog kya hai

Ye ek aisa platform hai jis par aap kisi bhi topic se related (education, internet, make money online,seo) yaa phir aap jisame interested hai us par apne views (article) likh kar publicly internet par share kar sakte ho Blog ek tarah ki dayari hoti hai jisme aap kisi knowledge ko article ke roop me show kar sakte hai Ye jaruri nahi hai ki aap kisi knowledgeable topic par hi article likhe Aap chahe toh apane baare me bhi likh sakte hai

Aajkal bahut log aise hain jo blogging kar rahe hain aur isse ek achchhi khasi income kar rahe hain Blog ko hum do platform par bana sakte ha. Dekha jaaye toh blog banane ke liye bahut platform available hain market me lekin aajkal jin platform ka use blog banane ke liye jyada ho raha hai unamen se hain


WordPress
Blogger

 

WordPress

WordPress ek free open source content management system hai Agar dekha jaaye toh aajkal jitani bhi websites hai yaa phir ban rahi hain unamen se 25% wordpress par hain Aajkal wordpress platform ka use blog banane mein sabse jyada kiya jaa raha hai Kyonki wordpress ko use karna bahut aasan hai Ise koi bhi manage kar sakta hai chahe wo technical ho yah non technical ho Isamen aapko kisi bhi language jaise HTML, JavaScript, CSS,php ki jarurat nahi padati Bas aapko language ki thodi bahut knowledge honi chahiye

Dusari aur isamen hajaro lakho plugins available hain jo alag-alag task ke liye bane huye hain jisase koi bhi badi aasani se plugin ka use karte huye koi bhi function add kar sakta hai Isake liye aapko kisi codder ki jarurat nahi padati yahi reason hai ki aaj wordpress ko sabse jyada use kiya jata hai


Blogger

Ye bhi wordpress ki tarah content management system hai Ye google ki ek free service hai wordpress ke baad yahi wo platform hai jis par sabse jyada blog banaye jaate hain Agar aap blogging start karne ki soch rahe ho toh aapka pehla step yeh hona chahiye ki aap apane blogging ki shuruat blogger platform se kare kyonki blogger wordpress se kaafi simple hai.

Ise koi bhi manage kar sakta hai toh aap blogger platform par blogging karen aur blogging ke baare men thoda experience le Jab aap blogging ke baare men thoda janane lage jaise seo,on page, off page,meta description etc

Tab aap apane blog ko wordpress par move kar len Aap chahte hain ki aap directly word press par blog banaye toh wo bhi aap kar sakte hain lekin agar aapne directly wordpress par blog bana liya toh aapko ise samajhne men thoda mushkil hoga

Mere hisab se ek new blogger ke liye blogger platform best option hai agar aap blogging ko hi apna career banana chahte ho toh aapko wordpress par toh aana hi padega kyonki jitane bhi professional blogger hain wo sabhi wordpress par hain WordPress par aap jo chahe wo kar sakte hain pura control aapke haathon mein hota hai jabki blogger par bahut Sari limitations hoti hai mein aapko yahi suggest karunga ki aap apane blogging ki shuruat blogger platform se kare aur jab aap blogging ke baare men thoda bahut janane lage tab aap apna blog wordpress par move kar len

Note :- agar aap blogging men serious hain tabhi aap wordpress platform par aayen kyonki ye free nahi hai Blogger ki tarah isame aapko hosting ke paise dene padate hain aur aap part time blogging karna chahte hain toh blogger platform iske liye sabse best option hai

  event blogging kya hai  ?
   blogging tips jo aapko blogging star karne se pehle jarur janna chaiye

 

2. Apna khud ka blog (website) kaise banaye?

Aap me se kai log aise honge jinke man me abhi bhi bahut questions aa rahe honge ki blogging men kahan se start kare kya-kya basic requirement honi chahiye ek blog ke liye aur ek blog banane men kitna paisa lagega ?

Toh mein aapke man ke sare questions abhi clear kar deta hun Agar aap blogging men aana chahte hain toh aa sakte hain ye koi badi baat nahi hai Sabse pahle mein aapko wordpress blog ke liye bata deta hun ki ek wordpress blog ke liye aapko kin-kin chijo ki jarurat padati hai aur kitna kharcha aata hai

Basically ek wordpress blog banane ke liye jin-jin chijo ki jarurat padati hai wo ye hain

WordPress

Domain
Hosting
Theme (template)


Domain

Domain ka naam toh aapne jarur suna hoga matlab aapke blog ka naam jo aapko .Com, .In or .Org ke sath milta hai jaise hamare blog ka naam TechMeOcean.com hai Ye domain aapko domain provider company se mil jaayega Market men bahut sare domain provider companies hain agar kisi ek ki baat ki jaaye toh sabse achha service Godaddy deta hai Yahan se aapko domain only 99rs mein mil jaayega


Hosting

Hosting word shayad aap me se kai log pahli baar sun rahe honge hosting ka matlab hota hai ki aapki website/blog ka jo bhi data jaise images, music, scripts, text, video hai use rakhne ke liye ek online cloud space ki jarurat hoti hai jise hum server bolte hain aur aapke website/blog ke data ko us server men rakhne ke process ko hosting bolte hain

Market men aisi bahut si companies hain jo aapko hosting provide karti hain lekin jo achchhi service deti hai

unamen se hain Godaddy & hostgator yahan se aap hosting le sakte hain Agar aap normal one month ke liye hosting lete hai toh ye aapko 500rs ka padega Hamare blog ki hosting Hostgator se li gayi hai agar aap bhi lena chahte hain toh offers men le sakte hai. Hosting lene ke liye yahan click kijiye Hostgator hosting offers


Theme (template)

Aapke blog ki design kaisi honi chahiye wo aapke theme par depend karti hai Theme aapko paid aur free dono mil jayenge starting men agar aapka budget kam hai toh aap free theme bhi use kar sakte hain aur jab baad men aapke paas paise aaye tab aap paid theme le len

Paid theme ki baat karen toh newspaper theme kaafi achchhi theme hai jiski prize 49$ hai jise kai pro bloggers use karte hain aur rahi baat hamare blog ki toh hamare blog par voice theme hai jiski market men prize 69$ hai

Toh ye toh ho gayi wordpress blog ki baat toh agar aapko apna blog wordpress par banana hai toh aapko 3 chijo ki jarurat padegi (domain, hosting & theme) domain aur hosting toh aapko leni hi padegi WordPress men agar aap aana chahte hai free theme use karna toh wo aap kar sakte hai agar aap wordpress par blog banate ho toh aapka normal one month ka kharcha 500 rs ke aaspaas aayega wo bhi paid plugins & paid theme ko hata ke only hosting

Lekin aap me se kai log aise honge jo itane paise nahi de sakte toh unake liye blogger platform sabse achha rahega Blogger par aapko domain, hosting, theme sab chij free mil jaayegi aapka 1rs bhi nahi lagega aapko google ki taraf se sabkuch free diya jaayega Toh agar aapke paas paise nahi hai wordpress blog ke liye toh aap apna blog blogger par bhi bana sakte ho Jab aapke paas blogger se kuch income hone lage tab aap wordpress par aa sakte ho

 

4. Blog (website) me earning kaise hoti hai

Ye question toh sabke man me hoga ki earning kaise hogi ? Toh ab mein aapko kuchh terms batata hun jiski help se aap apane blog ke jariye ek achchhi khasi income kar sakte hain toh chaliye dekh lete hain

Google Adsense
Affiliate Marketing
Sponsorship


Google Adsense

Google adsense ke bare men aapne suna hoga jahan online earning ki baat aati hai wahan adsense ka naam sabse pahle liya jata hai Adsense google ki ek service hai Jo advertisement karti hai Aapne aksar aisa dekha hoga jab aap kisi website par jaate hain toh wahan aapko kai sare ads dikhaee dete hain wo ads mostly adsense ke hi ad hai

Adsence kya karta hai ki ye aapko ads provide karta hai aapke blog ke liye aur jab koi visitor aapke blog par aata hai aur in ads ko click karta hai toh adsense aapko kuchh paise deta hai. Ye paisa kitna bhi ho sakta hai kyonki alag-alag ads ke paise alag-alag hote hain Ye advertiser decide karte hain ki wo kis ad ke liye google ko kitna paisa denge usi hisab se google hume paise deta hai

Sabhi blogger ki ye pahli choice hoti hai ki wo adsense se earning kare kyonki ye baki sabhi companies se jyada paise deti hai dusari baat ye google ka product hai toh koi bhi iss par bharosa kar sakta hai

Lekin aap directly adsense ke ads apane blog par nahi laga sakte uske liye aapko adsense men apply karna hota hai Apply karne ke baad adsense ki team aapke blog ka review karegi aur kai sare factors ko check karegi jo uski policy ko follow karte ho agar unhe sab thik laga aur aapka blog sahi tarike se  adsense policy ko follow kar raha hai toh wo aapko adsense ka approval de denge

Yahi wo stage hai jahan bahut sare blogger give up kar dete hain kyonki adsense ki policy ko follow kar pana sabke bas ki baat nahi hai. Yahi karan hai ki bahut sare blogger ko adsense ka approval hi nahi mil pata


Affiliated marketing

Adsense ke baad agar kisi ka naam aata hai toh wo hai affiliate marketing Affiliate marketing ka matlab hota hai ki kisi bhi product ka ad dikha ke use sell karwana jab kisi product ko aap sell karwa dete hain toh aapko kuchh commission milta hai. Ye commission pahle se fix rahta hai ki kis product par aapko kitna % commission milega

Agar affiliate ki baat ki jaaye toh sabse pahla naam Amazon aur flipkart ka aata hai Affiliate program ke liye aapko adsense ki tarah approval lene ki jarurat nahi hai Agar aapke blog par achha traffic aa raha hai toh aap affiliate program ko join karke iske ad laga sakte ho


Sponsorship

Shayad aap me se sabhi ne ye naam kabhi-n-kabhi suna hoga lekin iska matlab shayad hi kisi ko pata hoga Sponsorship men koi bhi company yaa organization jaise agar koi IT company hai toh wo apane kisi product ka promotion aapke jariye karwati hai

Ye bhi affiliate marketing ki tarah hai bas isame hume unake paas nahi jaana padta Kisi product ka ad lene ke liye wo khud aapke paas aate hain aur bolate hai ki aap humare iss product ka promotion karo hum aapko isake kuchh paise denge

Ab aap soch rahe honge ki koi company kab aur kyon hume sponsorship ke liye bolegi Maan lijiye aapka ek blog hai jispar aap technology se related articles publish karte ho aur aapke blog par per day 10k traffic aata hai Ab koi apps development company hai wo aapke paas email karegi aur aapse permission legi ki kya aap humare iss app ko apane blog men kisi place par laga sakte hain aur aapke saamne kuchh offer rakhegi agar aapko achha lage toh aap unka proposal accept kar lijiye

Toh ye the kuchh earning source jiski help se aap apane blog ke jariye money earn kar sakte hain Aap ek blogger ki kitni earning expect karte hain? Shayad aapko isaki knowledge nahi hogi kyonki kisi blogger ne bataya nahi hoga Bas aap ye samajh lijiye ki ek successful blogger ki earning kisi Engineer se jyada hoti hai toh aap iss baat ka andaja laga sakte hain ki ek blogger kitna kamata hai

Ye toh ho gayi earning ki baat chaliye ab hum iske fayade dekhte hai ye fayade maine khud experience kiye hain aur mujhe iska profit bhi ho raha hai

 

4. Benefit kya hai blogging karne se

Dosto dekha jaaye toh wo kaam sabse achha hota hai jisame aapka interest ho mein ye nahi bolta ki aap blogging karo aapko jo achha lagta hai wo aap karo lekin aisa kaam karo jise karne par aapko maja aaye matlab boring na lage aur kuchh naya sikhane ko mile

Agar abhi tak aapko apane interest ke bare men nahi pata hai toh mein aapko ek aisi trick bataunga jisko follow karke aap apane interest ka pata laga sakte hain Ye mera khud ka experience hai


Trick

Aisa kaam jo aap continue 4 hour (for example) yaa usase jyada kar rahe hain lekin aapko samay ka bilkul pata nahi chal raha hai aur toh aur uss kaam ko karane men aapko maja bhi aa raha hai aap boring mahsus nahi kar rahe ho aur iss kaam ko aap kabhi bhi kar sakte ho chahe din ho ya raat toh samajh jaiye yahi kaam aapka interest hai

Ab aapse koi bole ki raat ko 12 baje study kar lo to jise study karna achha lagta hai wo toh ise aaram se maje karate huye kar lega aur use samay ka pata bhi nahi chalega kyonki uska interest study me hai Lekin jise study karna boring lagti hai wo toh 30 mint bhi nahi baith payega kyonki usako study karana achha nahi lagta

Toh yahi sabse achha tarika hai apane interest ko find karne Interest wo hi hota hai jise aap kabhi bhi kar sakte hain na ki wo jo aap kisi ke kahne yaa phir kisi ko dekh ke kar rahe hain Dosto kuchh jyada ho gaya normal life ke bare men chaliye ab hum apne main topic par aate hain

Blogging ki sabse achhi baat ye hai ki aapko isame kuchh sikhane ko milta hai sath hi sath aapki skills bhi develop hoti hai aur knowledge bhi increase hota hai Maan lijiye aapne ek blog banaya for example humara blog hi le lijiye jo tech se related hai jisame technology , make money online, seo in sab pe articles publish karta hun Toh aapko kya lagta hai? kya mujhe in sabhi topic ki knowledge pahale se hoti hai? Jinape mein article publish karta hun? Ji nahi aisa koi nahi hai iss duniyaa men jo puri tarah se perfect ho sabme koi na koi kami jarur hoti hai.

Jab mujhe kisi topic par article likhana hota hai toh mujhe starting me uss topic ke bare men bilkul nahi pata hota log yahi sochate hain ki ye blogging kar raha hai ise sab aata hoga lekin aisa bilkul nahi hai jab mein kisi topic par article likhata hun toh sabse pahle us topic par research karta hun mera matlab hai ki us topic ke bare men information google, youtube, quora se leta hun Aur jab mujhe us topic ke baare men puri information pata chal jati hai tab mein apane language men aapko yah article ke jariye bata deta hun

Toh isamen sabse achha benefit ye hai ki mujhe jis topic ki kaltak bilkul knowledge nahi thi usape research karne se mujhe usaki knowledge ho gayi Isase hua kya ki meri knowledge pahle ke mukable increase ho gayi Ye routine hamesha chalta rahega Roj aap kisi nay topic par research karoge article likhne ke liye aur aapki knowledge increase hoti jaayegi

Toh mujhe blogging ki ye sabse achchhi chij lagti hai ki hume roj kuchh naya sikhane ko milta hai aur isase aapki skills aur knowledge dono increase hoti hai Kya aapne kabhi suna hai ki teacher se student paise lete hain study karne ke liye? Nahi na koi kisi se kuchh sikhta hai to use kuchh deta hi hai

Lekin yahan blogging men ulta ho raha hai aap isase kaafi kuchh sikh bhi rahe hai aur saath ke sath aapko isake paise bhi mil rahe hain

Yahi karan hai ki mujhe blogging karna bahut achha lagta hai aur pahale ke compare men mujhme kaafi change aaya hai Blogging karne se pahli baat toh meri knowledge kaafi increase ho gayi hai jo ki bahut achchhi baat hai

Chijo ko compliment mat banao sab aasan hai ek baar try karke to dekho😊

Chaliye dosto aajka article kaafi bada ho gaya isake liye sorry agar aapko iss article se kuchh sikhane ko mila hai toh mujhe bahut khushi hogi agar aapko iss article se related kuchh puchhna hai toh aap niche comment karake puchh sakte hain

thank you

About the author

anupam Srivastava

I m anupam Srivastava the owner off Tech Me Ocean in this blog I m writes on various topics like blogging , Online Earning, free tips and tricks , wordpress etc

11 Comments

Leave a Comment