Networking

vpn network kya hai ? kaise work karta hai full info

vpn network kya hai

Friends aaj hum ek aise topic par baat karne wale hain jo kafi logo ne mujhse puchha hai ki ye VPN network kya hai? Kaise kaam karta hai? Toh aaj main aapko VPN ke bare mein full information dunga Aaj ke article mein hum janenge ki VPN network kya hai? Aur ye kaise kaam karta hai?


Aur sath ke sath hum isake advantage aur disadvantage bhi janenge I hope ki aap is article ko padhne ke baad aapke man mein VPN ko leke uth rahe sab sawal clear ho jaayenge Agar aap hamare website par pahli baar aaye hain toh main aapko batana chahunga ki is website par aapko internet, blogging, se related topics ko cover kiya jata hai aur aapko in topics par articles roj padhne ko mil jaayenge hamare website par


Agar aap chahte hain ki koi bhi article aapse miss na ho toh aapko hamare RSS feed ko subscribe yaa phir hamare facebook page ko like karna hoga Jisase jab bhi hum koi naya article publish karen toh usaki notification aap tak pahunch jaaye VPN se pahle aapko network ke bare mein janane ki zarurat hai Toh chaliye pahale hum network ke bare mein jaan lete hain



Network kya hai?

Hamare ghar mein kai sare devices hain Jaise phone, TV, computer, Wi-Fi router ye sabhi network ka ek hissa hain

In device ko aapas mein connect karane ke liye ek network kaam me aata hai. Jaise agar aap Wi-Fi chala rahe ho toh aapke mobile & router ke bich mein jo data transfer yaa received hota hai wo ek network ke jariye hota hai

Zaruri nahi hai ki kisi network mein kewal ek hi person connect ho lakhon ek sath connect ho sakte hain. Har mobile & computer ka apana ek unique address hota hai jise IP address bolte hain. IP address se hi hum network mein kisi device ke sath connect ho paate hain.

Jab hum kisi ko bhi koi data yaa phir E-mail, images, music etc bhejate hain toh wo data chhote-chhote packet me hokar ussy IP address par jata hai jahan hamane bheja hai Jisase ek network ban pata hai. Toh aap samajh gaye honge ki internet ki duniya me IP address ka kitna importance hai.

Toh dosto aapane network aur IP address ke bare mein toh jaan liya. Ab baat aati hai ki VPN kya hota hai? aur ye kaise kaam karta hai? Toh chahiye hum dekh lete hain VPN kya hai?

 

VPN network kya hai?

Aapne VPN ke bare mein toh zarur suna hoga kyonki aajkal jo bhi internet use karta hai usey isaki knowledge toh hoti hai lekin kai log aise bhi hai jo internet use karte huye bhi VPN ke bare mein nahi jaante Toh aaj main aapko VPN ke bare mein bataunga VPN ka matlab (virtual private network) hai. Ye ek aisi technology hai jo public network (internet) use karte huye 2 host ke bich mein connection establish karti hai

Jisame ek server aur ek host (yani ki hum) hota hai Is connection mein data encrypted rahta hai. Is technology se aapka network private or secure rahta hai Kisi network ka main part IP address hota hai jisase hum ek network se dusare network mein easily data transfer kar sakte hain

VPN ka kaam ye hota hai ki ye hame fake IP address aur fake location provide kar deta hai Jisase hum kisi network mein anonymous (pahchan chhup Jana) ho sake

Internet ki duniya me IP address ki importance bahut hai kyonki IP address hi sender aur receiver ki identification ko batata hai. Aap sabhi ke man mein ye sawal toh zarur aa raha hoga ki VPN kaise kaam karta hai toh chaliye hum ye bhi jaan lete hain ki VPN kaam kaise karta hai?

 

VPN kaam kaise karta hai?

vpn network kya hai
Internet par VPN ke kai apps available hain. Kai paid hain toh kai free hain. Jab aap in apps ko download karke install karoge tab ye apps aapko connect karne ko bolega. Jaise hi aap connect karoge tab aap VPN server se connect ho jaaoge

VPN server se connect hone ke baad aap jis device se internet access kar rahe ho usaki ek fake IP address with location generate ho jaayegi Ye location aur IP address VPN server ka hota hai jo connect hone par aapko randmoly assign kiya jata hai. Phir aap jo request internet par karoge wo pahale VPN server mein jaayegi phir original source ke paas jis server mein wo file rakhi huyi hai

Isase na toh internet provider aur na hi government ko aapki original location ka pata chalega aur wo aapko track bhi nahi kar sakte Yeh toh baat ho gayi VPN kaise kaam karta hai? Ab baat aati hai ki hum VPN ko kaise use kare? Toh waise dekha jaaye toh internet par VPN ke bahut sare apps available hain. Lekin ye sabhi apps jaisa bolte hain waisa work nahi karte.

Toh aise mein bahut log mushkil mein phans jaate hain aur kisi unwanted apps ko install kar lete hain toh aapko tension lene ki zarurat nahi hai. Aaj main aapko ek aise app ke bare mein bataunga jise main personally use karta hun. Jiska naam hai turbo VPN aur ye free bhi hai


Chaliye dekh lete hain iske baare mein ki kaise isaka use karen



Turbo VPN

Sabse pahle aapko playstore se turbo VPN app download karna hai Download karne ke liye niche diye gaye download button par click kijiye

Download Here


Download karne ke baad aap isey open kijiye Open karte hi aapke saamne ek 5 second ka ad aayega. 5 second baad aapko skip ka option dikhaee dega usapar click kijiye


Open hote hi aapko isamen ek rabbit dikhaee dega. Aapko VPN se connect hona hai toh aapko is rabbit ke icon par click kar dena hai Jaise hi aap rabbit ke icon par click karenge toh rabbit running karne lagega aur thodi der mein aap VPN network se connect ho jaaoge

Isake baad aap chahe jo karen internet par aapko koi track nahi kar sakta. Turbo VPN ki ek khas baat ye hai ki jab-jab aap isey connect karoge tab-tab ye aapko different-different server par move kar dega jisase aapki IP bhi change hoti rahegi

Lekin agar aap chahte hain ki aapki location india se bahar ho toh wo service turbo VPN nahi deta Kyonki isake sare server india mein hi hain aur jab aap isey connect karte ho toh ye aapko alag-alag server par move kar deta hai.

Lekin server location india mein hone ki wajah se aapki location india mein hi show hoti hai

Agar aap india se bahar ki location aur IP address lena chahte hain toh aapko paid VPN use karna hoga. Toh aapne VPN ke bare mein jaan liya hoga ki ye kya hai aur kaise kaam karta hai. Ab baat aati hai isake faayde aur nuksan ki toh chaliye dekh lete hain.


advantage


 Security
Jab aap VPN network se connect ho jaate ho toh aapka data secure & encrypted ho jata hai. Jise agar kisi hacker ne raaste mein pick kar bhi liya toh usey read nahi kar sakta.

Unlock websites
VPN ka ye feature mujhe bahut achha laga. Isamen Jo website aapke country mein block ki huyi hai government ki taraf se toh aap usey bhi VPN ki help se easily access kar sakte ho Isake liye aapka IP address out of country ka hona chahiye jo aapko VPN ke paid version mein mil jaayega

Change IP address
Agar aap kisi dusare country ka IP address chahte hain toh wo bhi aap VPN ki help se kar sakte hain

Better performance
VPN network ka bandwidth aur efficiency jyada hone ke karan aapki internet speed increase ho jati hai

Don’t track
VPN network mein koi bhi aapke search history yaa phir jo bhi aap internet par kar rahe hain usey koi track nahi kar pata

Remote access
Mainly ye VPN technology kisi government organization, college yaa phir company mein use karte hain jisamen kewal wahi log internet access kar sakte hain jinhe internet access karne ki permission di jaati hai


Mere hisab se toh VPN ka koi disadvantage nahi hai. VPN ek secure network hai jo hamare personal information ko kisi hacker se bacha sakta hai

I hope ki aap sabhi VPN network ke bare mein achhe se jaan gaye honge. Agar phir bhi aapko VPN ke bare mein kuchh puchhna hai toh aap niche comment mein puchh sakte hain

Aaj ke article mein bas itna hi milte hain agale article mein kuchh aisi hi new technology ke sath

thank you

About the author

anupam Srivastava

I m anupam Srivastava the owner off Tech Me Ocean in this blog I m writes on various topics like blogging , Online Earning, free tips and tricks , wordpress etc

Leave a Comment